दाम्पत्य जीवनको भबिष्य थाहा पाउन ‘लव टेष्ट’ आबिस्कार

बैज्ञानिकहरुले एक नयाँ ‘लव टेस्ट’ फर्मूला तयार पारेका छन्, जसले बैबाहिक सम्वन्धको सफलताका लागि नवदम्पत्तिलाई राम्रो गाइड गर्न सक्ने दावी गरिएको छ ।

अध्ययनका अनुसार साथीको तस्वीरको बारेमा एक अवचेतन प्रतिक्रिया विवाहको परिणाम जन्न उपयोगी सावित हुनसक्छ । जर्नल साइन्समा प्रकाशित अध्ययनका अनुुसार जुन मानिसको मनमा नकारात्मक कुरा आउँछ, केही वर्षपछि उनीहरुको सम्वन्धमा दराद आउने सम्भावना बढ्छ ।

मुख्य शोधकर्ता फ्लोरिडा स्टेट यूनिभर्सिटीका प्रोफेसर जेम्सका अनुसार नयाँ अध्ययनले नवदम्पत्तिको एक अर्काप्रतिको साँेचबारे सही अनुमान लगाउन सकिने देखिएको छ । उनका अनुसार मनको यो कुरा विवाहका क्रममा तपाई खुसी हुनुभयो कि भएन भन्नेबारे अनुमान लगाउन निकै महत्वपूर्ण सावित हुनसक्छ ।

जेम्सको टोलीले विवाह लगतैका १ सय ३५ जोडीसँग कुराकानी गरेको थियो । शोधकर्ताहरुले उनीहरुलाई विवाहको मूल्यांकन सकारात्मक, नकारात्मक, राम्रो, नराम्रो, सन्तुष्ट र असन्तुष्ट कुन प्रकारले गर्नु भयो भनेर सोधेका थिए । त्यसपछि लव टेस्टको प्रयोग गरेर एकअर्काप्रति उनीहरुको मनको अबस्था मापन गरिएको थियो । जसमा एक पार्टनरको तस्वीर अर्कोलाई एक सेकेन्डको तेस्रो अंशसम्मका लागि देखाइएको थियो ।

त्यसपछि उनीहरुले जति सक्दो छिटो शानदार, आश्चर्यजनक, डरलाग्लो र भयानक मध्ये कुनै एक जवाफ दिनु पर्ने हुथ्यो । यो टेस्ट सम्वन्ध बनाउने मनोबैज्ञानिक सिद्धान्तमा आधारित छ । यो सिद्धान्तअनुसार विवाहमा सम्वन्ध बनाइएको मानिसहरुमा पार्टनरको तस्वीर क्षणभरका लागि हेरेपछि सकारात्मक वा नकारात्मक विचार आउँछ ।