यो फिचरले तपाई ठ्याक्कै कुन ठाउँमा हुनुहुन्छ भन्ने नदेखाइ केवल आधा
माइल भित्र हुनुहुन्छ भन्ने सन्देशमात्र दिने छ । यदि तपाईले खास साथीलाई आफ्नो सही ठेगाना अर्थात कुनै पार्क, कफी सप वा बारमा छु भन्ने थाहा दिन चाहानुहुन्छ भने त्यो सुबिधा भने पाउनुहुनेछ । तपाईको लोकेसनको सूचना केवल आधा घण्टामात्र तपाईका साथीहरुले पाउनेछन, त्यसपछि आफै त्यो फिचर अफ हुनेछ । तर, तपाईले त्यसलाई सम्पादन गरी समय थप्न सक्नुहुनेछ ।
यो सुबिधा १८ बर्षभन्दा मुनीका प्रयोगकर्ताका लागि उपलब्ध हुने छैन् । दुई बर्षदेखि यो फिचर तयार पार्ने काम गरिरहेका फेसबुकका प्रोडक्ट म्यानेजर एन्ड्री भकारी भन्छन– ‘यसले तपाईलाई भर्चुअल दुनियाँका साथीलाई वास्तविक रुपमा भेट गर्न सहयोग गर्नेछ ।’ अनलाइन साथीको लोकेसन थाहा दिने कम्पनी ग्लेन्सी सुरुवात गरेका भकारी यसको सफलताप्रति आशावादी छन् । उनको कम्पनी फेसबुकले किनेपछि उनी फेसबुकमा यो सुबिधा थप्ने गृहकार्यमा जुटेका हुन् । तर, इन्टरनेट प्रयोगकर्ताको गोपनियताको अधिकारमाथि बहस गर्दै आइरहेको बिभिन्न संस्थाले भने यसले प्रयोगकर्ताको गोपनियता भंग गर्न सक्ने चेतावनी दिइरहेका छन् यो फिचर बाध्यकारी नभई ऐच्छिक भएकाले गोपनियतामा असर नगर्ने भक्कारी बताउँछन् । अहिले लोकेसनमा आधारित साथीहरुको पत्ता लगाएर अनलाइन डेटिङ गर्ने मोबाइल एप्सहरु टिण्डर र हिङगे लोकप्रिय छन् । ती एपले जस्तो साथी नबनेका प्रयोगकर्ताको लोकसन दिएपनि फेसबुकले भने साथी बनेकाहरुको मात्र लोकेसनबारे सूचना दिन्छ ।
No comments:
Post a Comment